Nota Saban-Muphôm
antara
Peumeurintah Republik
Indonesia
dan
Geurakan Atjèh
Meurdéhka
Peumeurintah Republik
Indonesia dan Geurakan
Atjèh Meurdéhka (GAM) geupeuteugaih djandji banduwa pihak untôk geupeuseuleusoë konflik
Atjèh deungòn tjara damè, dalam
banmandum hai, beumeusambông dan
beumeumarwah keubandum. Banduwa
pihak keubit geumeukeusud beutimoh
situasi sampoe lahé
saboh peumeurintahan rakjat Atjèh
meulaluwi proses njang
adé dan demokratik
dalam neugara keusatuan dan
konstitusi Republik Indonesia. Banduwa
pihak that jakin bahwa deungòn tjara damé sagai djeuët tapeubeudòh keulai
sampoë meuhasé Atjèh njang ka hantjô meusabab nibak Tsunami 26 ub Désèmbèr
2004,. Banduwa pihak njang mupaké dalam konflik njoë ka seupakat geupeudong
rasa saléng peutjaja. Nota Saban-Muphôm
njoë meupeutrang asoë seureuta prinsip-prinsip
janji njang djeuët keumeuneumat proses transformasi. Keutrôk bak
makeusud njan Peumeurintah
RI dan GAM ka
seupakat dalam hai2 sibagoë di mijub njoë:
1. Peumeurintahan Atjèh
1.1. Undang2 keuhai Peudjak
Peumeurintahan Atjèh
1.1.1. Saboh undang2 barô
teuntang Peumeurintahan Atjèh akan
teupeugòt dan akan teupeudjak sisigra mungkén dan handjeuët liwat
nibak 31 ub Marèt 2006.
1.1.2. Undang2 barô
teuntang Peumeurintahan Atjèh
njan akan teupeugòt meunerôt prinsip2 di mijub njoë:
a) Atjèh akan
geupeudjak kuwasageuh dalam
bandum urôsan
keuneugara-an, njang akan
geupeudjak meusigò deungòn administrasi sipil
dan mahkamah, keutjuali
dalam bideuëng
hubôngan luwa nanggroë, pertahanan
luwa, keamanan nasional, hal ikhwal
moneter (mata pèng)
dan fiskal (padjak-tjukai), kekuwasa-an kehakiman dan
kebebasan beragama, njang teuduëkdi
mijub tanggông djaweuëb
Peumeurintah Republik Indonesia seusuai deungòn Konstitusi.
b) Persetudjuan2 internasional
njang geupeudjak uléh Peumeurintah Indonesia njang meusangkôt deungòn hal-ikhwal keupeunténgan chusus Atjèh
djeuët geupeudjak deungòn
tjara musjawarah dan ateuëh izin legislatif (dewan waki
rakjat) Atjèh.
c) Peunutôh2 Dewan
Perwakilan Rakyat Republik
Indonesia njang meusangkôt
deungòn Atjèh akan geupeudjak deungòn musjawarah dan ateuëh izin legislatif
Atjèh.
d) Langkah2 administrasi njang
geutjok uléh Peumeurintah Indonesia njang meusangkôt deungòn Atjèh akan geupeugòt deungòn
tjara musjawarah dan ateuëh izin Ulèë Peumeurintah Atjèh.
1.1.3. Nan Atjèh dan geular
peudjabat2 senior piléhan rakjat, akan geupeuteuntèë uléh legislatif Atjèh
lheuëh peumiléhan2 umum njang ukeuë.
1.1.4. Tjeuë bataih Tanoh Atjèh
nakeuh lagèë njang na bak tjeuë bataih 1 ub Djuli
1956.
1.1.5. Atjèh na hak untôk geungui
lambang2 wilajah teumasôk beundéra, lambang nanggroë dan himne (lagu naggroë).
1.1.6. Kanun Atjèh
akan geupeu-udép keulaji
untôk Atjèh deungòn
geupeujum
tradisi seudjarah dan
adat-istiadat bansa Atjèh lagèë meuh’eut hukôm Atjèh masa djinoë.
1.1.7. Leumbaga Wali
Nanggroë akan geupeuna
deungòn bandum peurangkat upatjara dan geulargeuh.
1.2. Partisipasi Politik
1.2.1. Sisigra mungkén
meutapi handjeuët leubèh
trép nibak sithôn
mulai dari watèë geutanda-djaroë Nota
Saban-Muphôm njoë, Peumeurintah RI seutudju dan akan geubri fasilitas
untôk peudòng peureuté2 politik
njang meuasai di Atjèh njang sép sjarat2 nasional. Teumeuphôm h`eut bansa Atjèh supaja djeuet na peureuté2
politik lokal di
Atjèh, maka Peumeurintah RI,
dalam masa sithôn, atawa paléng teulat
18 buleuën dari watèë
geutanda-djaroë Nota Saban Muphôm njoë, akan geupeuna situasi politik dan hukôm
supaja djeuet teudòng peureuté2 politik lokal di Atjèh deungòn geumupakat
deungòn Dewan Perwakilan Rakjat. Peudjak
buët njang paih-watèë Nota Saban-Muphôm njoë,
akan meubantu peutrôk meukeusud njan.
1.2.2. Deungòn geutanda-djaroë
Nota Saban-Muphôm njoë, bansa Atjèh na
hak peutamòng tjalon2 peudjabat
njang akan geupiléh
uléh rakjat dalam peumiléhan umum di Atjèh bak buleuën
April 2006 dan ukeuë njan lom.1.2.3. Peumiléhan lokal njang bibeuëh dan adé
akan geupeudjak di mijub Undang2 barô Peumeurintahan Atjèh, untôk geupiléh Ulèë Peumeurintah Atjèh dan peudjabat2 laén bak buléuën April 2006 seureuta untôk geupiléh angèëta legislatif
Atjèh bak thôn 2009.
1.2.4. Sampoë thôn 2009,
legislatif (DPRD) Atjèh
handjeuet geupeugòt Undang2 peuë mantòng deungòn hana izin Ulèë
Peumeurintah Atjèh.
1.2.5. Bandum rakjat
Atjèh akan geubri keureutu
peuturi droë njang barô njang biasa
sigohlom peumiléhan bak buleuën April 2006.
1.2.6. Partisipasi peunoh
bandum ureuëng Atjèh
dalam peumiléhan lokal
dan nasional, akan geudjamin lagéë na dalam Konstitusi Republik
Indonesia.
1.2.7. Monitor dari luwa akan
geu-undang untôk djak kaloen peumiléhan di Atjèh. Peumiléhan lokal djeuët
geupeudjak deungòn beunantu teknik dari luwa.
1.2.8. Akan na transparansi
peunoh dalam hai biaja kampanje.
1.3. Èkonomi
1.3.1. Atjèh na hak mita dana
deungòn cara utang luwa nanggroë. Atjèh na hak untôk peuteutap tingkat suku
bungong nyang mubida dari peuneutap Bank Sentral Republik Indonesia (Bank
Indonesia).
1.3.2. Atjèh na hak peuteutap dan
kuët padjak daèrah untôk peubiaja
keuridja-keuridja dalam naggroë
njang reuseumi. Atjèh
na hak peudjak
buët meuniaga dan bisnis dalam nanggroë dan antarabansa seureuta
geutarék investasi dan parawisata aséng sitjara langsông u Atjèh.
1.3.3. Atjèh akan na hak-kuasa
ateuëh hasé alam njang udép di
laôt teritorial di silingka bandum wilajah Atjèh.
1.3.4. Atjèh na hak-kuasa ateuëh
70% hasé dari bandum asoë bumoë hidrokarbon (minjeuëk/gas) dan asoë-bumoë alam njang laén njang na sa’at njoê dan bak masa ukeuë di wilajah Atjèh, meunan
tjit di laôt
teritorial di bandum lingka wilajah Atjèh.
1.3.5. Atjèh geupeudjak
pembangunan dan administrasi bandum peulabôhan laôt dan peulabôhan udara dalam
wilajah Atjèh.
1.3.6. Atjèh akan
geurasa nikmat meuniaga
bibeuëh dengôn bandum
bagian Republik Indonesia deungòn hana meutheuën uléh padjak-tjukai
atawa hai-hai laén njang djeuët keu halangan.
1.3.7. Atjèh akan
na hak peugot
hubôngan langsông dan
deungòn hana meuhalang sapeuë
deungòn nangröe2 aséng, ròt laôt dan udara.
1.3.8. Peumeurintah RI meudjandji
keubit-bit untôk geupeuna transparensi dalamhai
buët peusapat dan alokasi
hasé antara Peumeurintah Pusat
dan Atjèh deungòn geuseutudju ngui
auditor2 luwa untôk paréksa dan
peusah buët2 nyan dan keu geupeutrôk hasè-hasèdjih bak Ulèë Peumeurintah Atjèh.
1.3.9. GAM akan geutjalon
waki-wakigeuh untôk ikôt-saban
sitjara peunoh dan dalam bandum tingkat, dalam komisi njang
ka geupeuna untôk peudjak buët rekonstruksi lheuëh Tsunami (BRR).
1.4. Kuwasa Hukôm
1.4.1. Meuseuti pisah
kuasa antara dewan
waki rakyat, peumeurintah dan mahkamah.
1.4.2. Dewan legislatif
Atjèh akan geurumuih
keulaji kanun hukôm
untôk Atjèh njang meu-ungkheuë
ateuh prinsip-prinsip universal
hak asasi manusia lagèë-kiban meutuléh dalam Kovenan2
Internasional PBB teuntang hai Hak-hak Sipil dan Politik dan keu hai Hak-hak
Èkonomi, Sosial dan Budaja.
1.4.3. Saboh sistém mahkamah
njang hana meupihak dan independen, teumasôk mahkamah ék-bandeng, meuseuti
geupeuna untôk Atjèh di dalam
sistém peuradélan Republik Indonesia .
1.4.4. Angkèe Keupala Pulisi
Organik dan djaksa-djaksa meuseuti na izin bak Ulèë Peumeurintah Atjèh.
Djak-teurimoëng
(recruitment) dan latéhan anggèëta polisi organik dan
djaksa-djaksa meuseuti deugòn musyawarah dan izin Ulèë Peumeurintah Atjèh, dan
dengòn geupatôh atôran standar nasional.
1.4.5. Bandum buët
peulanggaran njang djipeulaku
ateuëh ureueng sipil
uléh aparat militer di Atjèh meuseuti geupeu-adé dalam mahkamah sipil di
Atjèh.
2. Hak Asasi Manusia
2.1. Peumeurintah RI akan patôh
keu Kovenan2 Internasional PBB teuntang
hai Hak-hak Sipil dan Politik dan keu hai Hak hak Èkonomi, Sosial dan Budaja.
2.2. Saboh Mahkamah Hak Asasi
Manusia akan geupeuna untôk Atjèh.
2.3. Komisi „Kebenaran
dan Rekonsiliasi“ akan
geupeuna untôk Atjèh
uléh “Komisi Kebenaran dan Rekonsiliasi“ Indonesia deungòn tugaih djak-rumus dan
peuteuntèë upaja rekonsiliasi.
3. Amnesti dan reintegrasi u dalam masjarakat
3.1. Amnesti
3.1.1. Peumeurintah RI,
sijalan deungòn prosedur
konstitusional, akan
geubri amnesti keu ban-mandum
ureuëng njang rôh
dalam keuridja njang meuhubông-kajét deungòn GAM sibagah
mungkén dan hana lèwat nibak 15uroë dari mulai geutanda djaroë Nota
Saban-Muphôm njoê.
3.1.2. Narapidana dan
tahanan politik njang
keunòng theuën ’akibat
konflik meuseuti peubibeuëh
deungòn hana sjarat sibagah mungkén dan
siteulat-teulatdjih 15 uroë alheuëh geutanda djaroê Nota Saban-Muphôm njoë.
3.1.3. Keupala Misi
Monitoring akan geupeuputôh
kasus-kasus meuseungkèta seusuwai
deungòn nasihat nibak peunasihat hukôm Misi Monitoring.
3.1.4. Ureuëng GAM njang ngui
seundjata álheuëh geutanda djaroê Nota Saban-Muphôm njoê akan teuanggap sibagoë
peulaku buët meulangga asoë Nota Saban-Muphôm dan hai njan akan peubateuë hak
amnesti ureuëng njan.
3.2. Reintegrasi u dalam
masjarakat
3.2.1. Sibagoë warga
neugara Republik Indonesia,
bandum ureuëng njang
ka meuteumèë amnesti atawa njang
ka bibeuëh dari tutôpan atawa teumpat tahanan laéndjih akan meurumpok
keulaji bandum hak-hak politik, ekonomi dan sosial gobnjan seureuta hak untôk
ikôt seureuta sitjara bibeuëh dalam proses politik peuëkeuh di Atjèh meunan
tjit bak tingkat nasional.
3.2.2. Ureuëng-ureuëng njang
seulama konflik ka geulutjôt taraf warga neugara Republik Indonesia
gobnjan na hak
untôk geutjok keulaji
taraf warga neugara RI njan.
3.2.3. Peumeurintah RI
dan Peumeurintah Atjèh
akan geutjok langkah2
untôk geubantu
ureuëng-ureuëng njang rôh
dalam keuridja meuhubông-kajét deungòn GAM guna
geupeulantja reintegrasi gobnjan u dalam
masjarakat. Langkah-langkah njan teumasôk tjit fasilitasi ekonomi bagi mantan
anggèëta pasôkan GAM, tahanan
politik njang ka
meureumpôk amnesti dan
keu anggèëta masjarakat njang
keunong rugoë. Saboh
Dana Reintegrasi di mijuëb kuwasa Peumeurintah Atjèh, akan
geupeuna.
3.2.4. Peumeurintah RI akan
geuseudia dana untôk gantoë rugoë hareuta beunda masjarakat dan
individu njang ka
hantjô atawa rusak
’akibat konflik; dana njan
geukeulula uléh Peumeurintah Atjèh.
3.2.5. Peumeurintah RI
akan geuseudia tanoh
meuneugoë dan dana
njang meumada keu Peumeurintah Atjèh deungòn tudjuwan untôk geupeumudah reintegrasi mantan
anggèëta pasôkan GAM
u dalam masjarakat
dan kompensasi keu tahanan politik dan keu ureuëng sipil njang keunong
rugoë. Peumeurintah Atjèh akan geupeumanfa’at tanoh dan dana meunurôt atôran di
mijuëb njoë:
a) Bandum beukaih
anggèëta pasukan GAM akan
geubri le Peumeurintah Atjèh
tanoh meuneugoë njang patôt, atawa keuridja, atawa djaminan
sosial njang lajak
meunjo ureuëng njan
hana keumah lé geukeuridja.
b) Bandum tahanan politik njang ka meuteumèë ampôn akan
geubriuléh Peumeurintah Atjèh
tanoh meuneugoë njang
patôt, atawa keuridja atawa
djaminan sosial njang lajak meunjo ureuëng njan hana keumah lé
geukeuridja.
c) Bandum rakjat
sipil njang djeuët geupeutunjok bukti rugoë njang djeulaih ’akibat konflik akan meurumpok
alokasi tanoh meuneugoë njang
patôt, atawa keuridja
atawa djaminan sosial
njang lajak meunjo ureuëng
njan hana keumah
lé geukeuridja, dari Peumeurintah Atjèh.
3.2.6. Peumeurintah Atjèh dan
Peumeurintah RI akan geupeuna Komisi Bersama peuseuleusoë klaim2 kompensasi
njang keunòng tulak.
3.2.7. Anggèëta Pasôkan GAM akan
meurumpok hak untôk lakèë keuridja sibagoë pulisi atawa
teuntra organik di
Atjèh deungòn hana
diskriminasi dan meunurôt
standar nasional.
4. Atôran Keu-amanan
4.1. Bandum buët dhalém antara pihak-pihak akan meu-akhé
palèng liwat bak sa’at geutanda djaroê Nota Saban-Muphôm
njoë.
4.2. GAM akan geupeugot demobilisasi
ateuëh 3000 droë anggèëta pasôkan militèrgeuh. Angèëta
GAM handjeuët ngui
badjèë seuragam atawa peudeuëh emblem
atawa lambang militèr
lheuh geutanda djaroê
Nota Saban-Muphôm njoë.
4.3. GAM geupeudjak peuabéh tugaih
(decommissionning) bandum
seundjata, amunisi dan alat
peuleudak nyang na dalam
djaroë ureuëng lam
tugaih GAM, deungòn beunantu Misi Monitoring Atjèh (AMM). GAM mendjandji
djôk 840 krèk seundjata.
4.4. Peudjôk seundjata GAM akan
geumulai bak 15 ub Sèptèmbèr 2005, njang
akan geupeuseuleusoë lam watèë
peuët tahap, dan seuleusoë bak 31 ub Dèsèmbèr 2005.
4.5. Peumeurintah RI akan geutarék
bandum elemen teuntra dan
polisi non-organik dari Atjèh.
4.6. Relokasi teuntra dan polisi
non-organik akan dimulai bak 15 ub. September 2005, dan
akan seuleusoë dalam
peuët boh tahap,
saban taraf lagèë geudjôk seundjata GAM, sigra lheuh
tiëp tahap geuparéksa uléh AMM, dan seleusoë bak 31 ub Dèsèmbèr 2005.
4.7. Djumlah teuntra
organik njang teutap
na di Atjèh
lheuh relokasi nakeuh 14.700 droë. Djumlah keukuwatan pulisi organik njang
teutap na di Atjèh lheuh relokasi
nakeuëh 9.100 droë.
4.8. Teuntra Indonesia
handjeuet meugrak itjara
ramé-ramé lheuh geutanda djaroê Nota Saban-meuphôm njyoe.
Bandum grak leubèh nibak djumlahsaboh peuleuton peureulèë brithèë
awai dilèë bak Ulèë Misi Monitoring.
4.9. Peumeurintah RI tjok buët
untôk peusapat bandum seundjata illegal, amunisi dan alat peuleudak njang
djingui uléh tiëp keulompok dan pihak-pihak illegal soë mantoëng.
4.10. Pulisi organik
akan meutangông djaweuëb
untôk Peudjalan hukôm
dan atôran di Atjèh.
4.11. Teuntra akan
meutanggông djaweuëb untôk
djaga peurtahanan luar mantong. Dalam
keuada’an watèë damè
njang normal, teuntra
organik mantòng njang djeuët na di Atjèh.
4.12. Anggèëta polisi organik
Acheh meuteumeuëng latéhan khusus di Atjèh dan di luwa nanggroë deungòn geufokus bak
geubri horeumat keu hak asasi manusia.
5. Peuna Misi Monitoring Atjèh
5.1. Misi Monitoring Atjèh (AMM)
akan geupeuna uléh Uni Èropa dan nanggroë-nanggroë ASEAN njang ikôt seureuta
deungòn mandat geudjaga buët njang ka geumeudjandji peugòt
uléh banduwa pihak lagèë dalam
Nota Saban-muphôm njoë.
5.2. Tugaih AMM nakeuëh untôk:
a) geumonitor demobilisasi dan
decommissioning seundjata GAM.
b) geumonitor relokasi teuntra
dan polisi non-organik.
c) geumonitor reintegrasi
angèëta-angèëta GAM njang aktif u dalam masjarakat.
d) geumonitor situwasi hak asasi
manusia dan geubri beunantu dalam bideuëng njan.
e) geumonitor proses peu-ubah
undang-undang.
f) geupeuseuleusoë kasus-kasus
amnesti njang meupeukara.
g) geuseulidék dan
geupeuseuleusoë peukara ureuëng njang djak- meungadu dan njang teutudôh
meulangga Nota Saban-Muphôm njoë.
h) geupeuna dan geupeulhara
hubôngan dan keuridjasama njang djroh
deungòn banduwa pihak.
5.3. Status Mission
Agreement (Peusah Status
Missi-SoMA) antara Peumeurintah RI dan
Uni Èropa akan
geutanda djaroë teuma
òh lheuh geutanda djaroë Nota
Saban-Muphôm. SoMA nyang bôh
definisi status, hak-hak
istimèwa, dan hak keubai-hukôm AMM dan angèëta-angèëtageuh. Nanggroë2 ASEAN
njang ikôt seureuta
dan njang ka
geu-undang uléh Peumeurintah RI
meuseuti geupeusah teurimóng
tugaih dan teurimóng tundôk keu SoMA sitjara meutuléh.
5.4. Peumeurintah RI akan geubri
dukôngan peunoh untôk peudjalan mandat AMM. Keu meukeusuët njan,
Peumeurintah RI akan geutuléh surat keu Uni Èropa dan
keu nanggroë-nanggroë ASEAN
njang ikôt seureuta
dangeupeunjata dukôngan dan komitmen keu AMM.
5.5. GAM akan geubri dukôngan peunoh untôk peudjalan mandat AMM.
Keu meukeusuët njan, Peumeurintah RI akan geutuléh surat keu Uni Èropa
dan keu nanggroë2 ASEAN njang ikôt seureuta dan geupeunjata dukôngan dan komitmen
keu AMM.
5.6. Ban duwa
pihak geumeudjandji untôk
geupeugot kondisi keuridja
njang aman, seulamat dan
stabil bagi AMM
dan geupeunjata keureudjasama sitjara peunoh deungòn AMM.
5.7. Tim monitoring na hak
bibeuëh meugrak njang hana meubataih di
Atjèh. Tjuma tugaih-tugaih njang
meutuléh dalam Nota Saban-Muphôm njoëkeuh njang akan
geuteurimong uléh AMM.
Banduwa pihak hana
hak veto teuhadap tindakan atawa
kontrol ateuëh keuridja2 operasional AMM.
5.8. Peumeurintah RI
meutanggông djaweuëb ateuh
keuamanan bandum ureuëng AMM
di Indônesia. Ureuëng AMM han geumé seundjata. Bahpih- meunan ulèë
Misi Monitoring djeuët
geutjok peunutôh dalam
hai-hai meuteuentèë han geutuëng
dji-iréng uléh pasôkan
meuseundjata Peumeurintah RI.
Dalam hai njoê, Peumeurintah RI akan geubrithèë uléh AMM dan
akan hana meutanggông
djaweuëb ateuh keu-amanan
patroli njan.
5.9. Peumeurintah RI akan geupeuna
teumpat-teumpat peu-kumpôi seundjata dan
geudukông tim-tim peusahoë
seundjata meugrak (mobile team)
dan geukeuëridja-sama deungòn GAM.
5.10. Keuridja peuhantjô
seundjata sigra akan geupeulaku lheuh
seundjata dan amunisi nyan meukumpôi. Proses njoê akan teudokumentasi sitjara
peunoh dan teupublikasi meunurôt njang patôt.
5.11. AMM geulapôr bak ulèë Misi
Monitoring njang akan geubri lapôran rutin bak banduwa pihak dan bak pihak laén meunurôt
peureulèë, meunan tjit
keue ureuëng atawa kantô njang geutunjok uléh Uni Èropa dan
naggroë-nanggroë ASEAN njang ikôt seureuta.
5.12. Lheuh geutanda djaroê Nota
Saban-Muphôm njoê tiëp pihak akan geutunjok sidroë waki
senior untôk geutjok
tugaih dalam bandum
hal ihkwal njang meusangkôt deungòn
peudjak-buët Nota Saban-Muphôm
njoê deungòn Ulèë Misi
Monitoring.
5.13. Banduwa pihak
meudjandji untôk peudjak
tanggông-jaweuëb prosedur brithèë
bak AMM, teumasôk isu-isu militèr dan rekonstruksi.
5.14. Peumeurintah RI
akan geubri kuasa
tjok langkah2 peureulèë
njang meusangkôt deungòn khidmad medis darurat dan rawartan di reumoh
sakét bagi tiëp2 ureuëng AMM.
5.15. Untôk geudukông
transparensi, Peumeurintah RI
akan geubri izin
akses njang peunoh keu waki2 media nasional dan internasional di
Atjèh.6. Peuseuleusoë dawa-dawi.
6.1. Miseuë djeuët keu paké meusangkôt deungòn peudjak-buët Nota Saban- Muphôm njoë, sigra akan geupeuseuleusoë deungòn tjara
lagèë di mijub njoë:
a) Sibagoë saboh atôran, meuseuliséh/dawa njang djeuët keu karu bak
peudjak-buët Nota Saban-Muphôm njoë
akan geupeuseuleusoë uléh Ulèë
Misi Monitoring, deungòn
tjara musjawarah deungòn banduwa
pihak dan bandum
pihak geubri keuteurangan njang
peureulèë deungòn sigra. Ulèë Misi Monitoring akan geutjok peuneutôh njang akan
meuikat banduwa pihak.
b) Meunjoë Ulèë
Misi Monitoring geutjok
saboh peunutôh bahwa peukara meuseuliséh njan handjeuët
geupeuseuleusoë lagèë njang meutuléh di
ateuëh, maka hai njan akan geubahaih saban2 uléh Ulèë
Misi Monitoring deungòn
waki2 senior dari
tiëp-tiëp pihak. Lheuëh njan
teuma, Ulèë Misi Monitoring akan geutjok
peuneutôh njang akan meuikat banduwa pihak.
c) Bagi kasus-kasus dawa-dawi
njang han keumah geupeuseuleusoë deungòn salah saboh tjara lagèë ka meutuléh di
ateuëh, maka Ulèë Misi Monitoring akan
geulapor sitjara langsông
bak Meuntroë Koordinator Politik
Hukôm dan Keu-amanan Republik
Indonesia, dan bak Pimpinan Politik GAM dan bak Keutuha Dewan Direktur Crisis Management
Initiative, seureuta geubrithèë
bak Komite Politik dan
Keu-amanan Uni Èropa. Lheuëh geukonsultasi deungòn banduwa pihak, Ulèë Dewan
Direktur Crisis Management Initiative akan
geutjok peuneutôh njang meuikat banduwa pihak.Peumeurintah RI dan GAM akan han
geutpeugòt buët njang hana konsisten deungòn nyang meutuléh atawa ngòn
seumangat Nota Saban-Muphôm njoë.
**
Geutandadjaroë dalam rangkap
lhèë di Helsinki, Finland,
bak uroë Seulanjan, 15 ub Agustus
2005.
A.n. Peumeurintah Republik
Indonesia ,
A.n. Geurakan Atjèh Meurdéhka,
Hamid Awaluddin
Malik Mahmud
Meuntroë Hukôm dan
HAM Pimpinan GAM
Geusaksi uléh,
Martti Ahtisaari
Mantan Présidèn Finland
Keutuha
Dewan Direktur Crisis Management Initiative
Fasilitator proses perundingan
Tidak ada komentar:
Posting Komentar